من عيونك استلفتك
وصغت اجمل امنياتي
بين سطور الحب نسجتك
في حياتي قبل مماتي
بتا مشغول بي حضورك
جاتني صورتك في صلاتي
**** **** ****
قلت تسكنك القصائد
كان تجيني انا تاني صادي
بين حروفا وبي مدادي
جيتي في منواله رادي
طالما ضل ريدا روح
شمس اصيلو بقت مخاضي
**** **** ****
بالغ الود في ودادي
ما فضل من ريدو باقي
لا لحق اشميق جريدي
حكمو زايد لي سهادي
لا لحاف يتمدا فيهو
ولا فراق تاكي الوسادي
**** **** ****
باليقين متملي راضي
ان شاءالله انتي تكوني راضي
ما شكيت لي زول فراقك
راضي بي حكم الارادي
للاله نجوى وتذلل
شكوه لي رب العبادي
كردي ،،،
*من عيونك استلفتك.. جديد الشاعر الشاب وليد كردي*
