Growth Stories Lab
تحليل اليوم: إعلان جياد للسيارات رمضان 2026
في التحليل اليوم من السلسلة بنفكك اعلان جياد الرمضاني خطوة خطوة، ما عشان نشوف الاعلان جميل ولا لا، لكن عشان نفهم شنو الاستراتيجية الحقيقية الوراه
الفكرة الاساسية الإعلان ما ركز على سعة المحرك، السعر أو المواصفات الفنية.
الاعلان ركز على الرجعة للبلد ، اللمة ورمضان والعربية ظهرت كوسيط عاطفي ما بطل الإعلان ودي استراتيجية اسمها:
outcome based rmotional positioning
ودا بيع النتيجة واللي هي اللمة بدل المنتج واللي هي العربية.
تعالوا نمشي لسيكلوجية الالوان التاكسي الاصفر الظهر بداية الإعلان وهو رمز للنشاط والتفاؤل لكن محليا برمز للحركة اليومية في الشارع السوداني والرسالة الضمنية للمشاهد دي نحن جزء من حياتك اليومية.
ظهور العربية Shine باللون الابيض والرمزية للون الأبيض هي نقاء وحداثة وفخامة هنا كان استهداف واضح لفئة الشباب والطبقة الطامحة للتميز الاجتماعي
برضو لقطات الغروب على النيل وإضاءةGolden Hour بتخلق راحة نفسية عالية وتربط العلامة بجمال البلد.
نجي للسرد القصصي للاعلان مبني زي فيلم قصير:
✅ البداية كانت problem State سفر وتعب وشنط يعني احتياج لوسيلة نقل
✅ في النص كانت الرحلة طريق ومدن وحركة، هنا العربية بقت كجسر تواصل.
✅ النهاية emotional payoff احضان وضحك وبرش الفطور فالنتيجة شعورية.
وهنا جياد زرعت رابط عاطفي طويل المدى ما تحفيز بيع لحظي.
نمشي لحتة التفاصيل السودانية الدقيقة أو cultural encoding والذكاء الحقيقي كان هنا :
✅ البرش وفطور الشارع وهو كرم وهوية
✅ المسحراتي ودا تراث أصيل
✅ رسايل واتساب ودي واقعية معاصرة
ودا بعني انه الاعلان اتكلم بلغة المشاهد بدون ترجمة ودا بخلق Brand loyalty عميييق.
في call to action اتكتب واتقال جياد عز السودان كلمة عز في السياق السوداني هي فخر وقيمة وأصل وهنا الاعلان ربط الشعار بالعلامة بحولها من مصنع سيارات لرمز وطني ودا أعلى مستوى من Brand positioning
الإعلان دا ما كان حملة بيع مباشر، الاعلان دا كان:
✅ Awareness campaign
✅ Emotional Branding
✅ National Positioning play
و السؤال ليك حالياً يا إنسان كمسوق او صاحب بزنس هل إعلانك بشرح منتجك؟ ولا بصنع إحساس حوالينه؟
في Growth Stories lab نحن ما بنشوف الاعلانات إحنا بنفككها، في التعليقات رشحوا لي اعلانات رمضانية عايزين تشوفوها ضمن السلسلة في رمضان.
#ProfessionalGrowth
#growth_stories_lab
#ContentMarketing
معراج بغدادي
