*العقدة.. ​وليد كردي*

.
​اصلو العقدة باقي فريدة
ماخدي سماحا من ساسيقا
عِز القدرة عند اجدادنا
ياهو قدرنا مافي طريقة
شالوا النية ستر الحال
وشايفين من زمان شليقا
وزي ما قالا عبد الله
إلا يقسموا الكانديقا
…
​دي الموصوفة باقي حقيقة
بلدا ضاوي، بادي بريقا
في التاريخ كتاب مفتوح
مسطرة بي حروفا دقيقة
الجود والأصل موارث
من زمنا عهودو وثيقة
ما بيهمها التبديل
صافي قلوبا عارفي طريقة
بالنيل والسماح والخدره
شاربين من مدادا وريقا
وزي ما قالا “ود عابدين”
ناس في الفزعة نارا حريقا
…
​العقدة الأنيقة الصافي
شايلا معاركا وبسديقا
ما هماها زمنا جار
ولا عِزة بتريد تحقيقا
وقتين السواقي تدور
بتفرش في الجزيرة عقيقا
عقدة وفي العسير بتبين
وتشهد ليها اي خليقا