محجوب شريف
تعظيم سلام يا حبنا ،
يا ود ابونا .. واُمّنا
شاعر دوام بى همنّا
يا قلب حانى يضمنّا
يارايه عاليه .. تلمّنا
ياضحكه فى ليل غمّنا
***
علمتنا .. معنى النضال
واللقمه .. والعيش الحلال
والكلمة واضحه بلاجدال
وغرست فينا كريم خصال
ياسيدّ الذوق .. والجمال
***
ياصادق الحرف الامين
بيك نستعين ،
وعلى هداك
متحزّمين ،
متلزمّين ..
وحروفك النٌصح المبين
دربك بنمشيهو بيقين
متأكدين .. وميقّنين
حلمك حنبنيهو متين ،
للناس جميعا آمنين ،
متوحدين ..
متكاتفين .. ومسالمين !
بشرى سليمان
ذكرى وفاة شاعر الشعب محجوب شريف 2 ابريل 2014
