قطر الاحد عليه شكوي من الراحل ود الدابي ظنا منه انه ابعد عنه محبوبته فقال عنه قصيدتين فشن غضبه عليه في قصيدتين وكانت من نصيب محمد كرم الله ياحليله بلا عدد قالوا شاله قطار الاحد في الرصيف حسو بلا الرعد اسال الله مكنتو تنقد ويلقو في الكاسنجر خرد
وكانت هذه القصيده من نصيب محمد جباره
خلاص قطر الاحد شالا ورحل
خلا عيونى نوما مع زحل
يا خلايا شوفو شنو الحصل
قيدا اتحل قيدى انا انطبل
فارقت القرير وطنا العزيز ارض النخل
ارض البرتكان والمنقة والموز شال هدل
كتار القالو جنَ واندخل
بقيت زى قيس يضربوبى المثل
بعد ماطبت والجرح اندمل
رحيلا فى قلبى جاب مليون خلل
اقول تنحلْ قيودى عسى ولعل
امنَى النفس يحدونى الامل
عليها الاهى فاقد القيد قبَل
تانى رجعلى شيطانى اب عبل
بسيمتا فرة الاسقا المحل
يشيل حرقوصو وابلو فجر نزل
آه من الخدود ووب يا المقل
جيدا جدى درع شرَف جفل
داكن ليل بهيم ديسا السبل
جبينا منور الاربع قبل
النسيم هبْ ذاكى داعب للخصل
يشتتا حيث شاء من غير عدل
مشيها كأنها المها فى الوحل
الصدير جوز وز دفََر عام نتل
يا يابا ابنعوف صالح الجبل
لينا تعيدا قبال ما تصل
تحياتي مبارك ود اصول
*قطر الاحد عليه شكوي من الراحل ود الدابي ظنا منه انه ابعد عنه محبوبته*
