ليك بتمنى السعادة وليك بقول إن شاء الله تسعد
وأرضى بالمقسوم لى
والمقسوم لي مني حبيبي يبعد
يا زمان بالله اشهد
هاك آخرة الرسايل ومانى داير منك الرد
فيها اشواقى وسلامي هدية للخد المورد
لا تقول الزول طرانى ولا تقول الشوق تجدد
اصلو كامن فى ضميرى وفى ضميرى كمان مأبد
يا زمان بالله اشهد
أنا كلو ليل بطراك ومستحيل انساك والخبر المأكد
اني شايل ليلى بى ذكراك منكد
ما فى يوم ما ببكي لمن ليلى هود
وكيف تعيش الم العلى الآلام تعود
يا زمان بالله اشهد
قلبى من فارق حنانك كم تأوه وكم تنهد
من دريبك شال خطاهو عساهو يبقي سعيد ويخمد
أصلو ياهو نصيبى اسهر وجفني من آلامو يسهد
وابنى لى ماضينا فوق واحاتو معبد
يا زمان بالله أشهد
انت فى عشك سعيد هانى وممجد
ما بهمك طرفى عمرو يعيش مهجد
يازمان بالله أشهد
يبقى عشكم انتو جنة طيرو غنا وروضو فرهد
فيهو تتهنو وتنالو سعادة أزيد
يا زمان بالله اشهد
أنا كم كتمت الشوق وقت جواي عربد
واختنق فى قلبى زى الغيم وارعد
يا زمان بالله اشهد
الوداع
الوداع مجبور عليهو وليهو ردد
الوداع زولى الرزين يا ناير الخد
الوداع يا أغلى زول يا احلى مشهد
الوداع وخلينى لى سهرى البلا حد
الوداع ومناي ليك إن شاء الله تسعد
يا زمان بالله اشهد
هذه الرساله الأخيره
