الليالي البيك نضيرة
طالعة من بسَمات عيونك
والأناشيد الغزيرة
قاسي يوم تقدر تخونك
يا منى الروح الأسيرة
كيف يعيش الزول بدونك؟
والأماني مع مصيرا
راكه بي فوق لي جفونك
…
يا هناء الدنيا وحياتي
يا سمايا ويا شعاعي
في غرامك درت اوعى
تهت فيك وانا ماني واعي
روحي في قربك حبيسة
وفي هجير عينيك متاعي
قلبي بي لُقياك موهدب
زي غزال كايس المراعي
لو أطول وصلك بريدك
دنيتي بتقسى وتراعي
قصة كانت بيك فريدة
وعايشه في وكر الأفاعي
زي مودر وما مودر
لي وصالك لسه ساعي
ما تخلّي جفاك يبنقر
وما تصري علي ضياعي
