.
ما قل في قلبي العشم
ولا طلا زيفك يوم ظهر
طالت لياليكي العذاب
والعين يطول بيها السهر
خليت مع شوقي السكون
في صدري كم براق بهر
رشيت جروحي بلا انين
داريته رغم اني إنكسر
…
ما هان علي حبي القديم
ولا طيفي في خاطرك أطل
شايل أساى مع الرموش
وانا طبعي بي طبعك كفر
..
كم شفت رؤياك في المنام
والليله اشوفك ما ندر
بعشق فصول عمري الجميل
بي طيف خيالك لو عبر
تاريني وهمان بالسراب
ما كنت لي ذاك المقر
اطويني زي طي السحاب
فوتيني من دون البشر
بي خطوة تسري مع السكات
ويظل مع العود الأثر
بدفن حنيني مع الفؤاد
من دون سمع ومن غير بصر
وعينيا لو بكت الفراق
تصلاها جمالة صفر
عَزتني نفسي الما بتهون
وانا ما براي وفرد نفر
واخترت أبعد من هواك
والجاي مربوط بالقدر
يا حسرة الريدة الزمان
لي زول قليبو متل حجر
بكرة القليب يلقى النصيب
ويطيب هوايا بعد بطر
قلبي الزمان بيخاف عليك
كم حنا كم مرات عَزر
كاسلك كتير درب الرجوع
بي رغم جوفي الانفجر
سدت دروبك في الفؤاد
زي سدت النيل بالمطر
