هــدنـة بقلم.l
Eltayeb Abdel Magid
( أحمد الجابري )
والوعد بيناتنا إنك …💕
الفنان الوحيد الذي يتراقص بصوته كيفما شاء هو
( أحمد الجابري )
درجات التطريب عنده تقاس بمقياس ( ريختر )
فهو يحرك القلوب ويزلزل المشاعر ببديع الأغنيات وجميل الالحان …!!
( أحمد الجابري ) بغني الغنا )( الصحي صحي )
تعابير وجههه تحكي الأغنية وتروي التفاصيل ويبدو أن الرجل يطرب روحه أولًا ثم يطربنا من بعد ذلك …!!
ولد ب ( الشرفة بركات ) بالجزيرة فسقته من رحيقها
فكان هذا الصوت ( الرويان ) وانتقل بعدها إلى
( أم درمان ) مع ( أمه ) بعد انفصالها عن والده
فعاش لها وحدها وأخذ كل الحنان 💞
ولهذا كان ( الجابري ) حنين درجة الوله و رقيق حد الذوبان
وقد منح أمه كل شيئ حتى أنه توشح إسم عائلتها
لذلك كان إسمه الفني ( أحمد الجابري )
بدلاً من ( أحمد محمد عبد الله )
( دا اتغتي بي توب أمو مرتين ) 🥰
قال ثم من ..
التقي بالعراب ( عبد الرحمن الريح ) الذي انبهر بصوته ..ورغم أن لجنة قبول الأصوات بالإذاعة رفضته كمغن ولأكثر من مرة لكن ( ود الريح ) لحاله ( لجنة )
وقد كان الرجل محقاً ومنصف ..وكادت ( اللجنة ) أن تفوت علينا فرصة استثنائية قد لاتتكرر كثيرا ..
وحكمة والله وحكاية ناس بتتعذب وحيدة 😢 وناس بتعم بالوداد ..!!
لينطلق ( الجابري ) ويبزغ نجمه ..فالموهبة الحقيقية تدك حصون ( اللجان ) وكانت أغنياته الباهره في مسيرة الفن السوداني ويبصم الجابري مع الكبار
حيث التقي مع الرقيق ( سيف الدين الدسوقي ) في أرق ( رســـــــائل ) الغناء السوداني والتي كانت حاضرة على الدوام في بريد السودانيين يفتحونها كلما اشتد بهم الوجد ونالت منهم الأشواق…
وﻣﺎﻓﻲ ﺣﺘﻲ ﺭﺳﺎﻟﺔ ﻭﺍﺣﺪﺓ ﺑﻴﻬﺎ ﺍﺗﺼﺒﺮ ﺷﻮﻳﺔ …
فكانت أغنية ذات طعم خاص ومعزة في قلوب الناس
عندما يقرأها المتدفق ( سيف الدسوقي ) بصوته ذلكم الفخيم فوراً تتحسس بريدك 💌
ليسكب فيها ( الجابري ) آهاته والشجون ويكون مداد الرسالة شوق تقرأة الدموع …
وﻫﻞ ﻳﺠﻮﺯ ﻭﺍﻟﻐﺮﺑﺔ ﺣﺎﺭﺓ
ﻭﺑﺎﻟﺨﻄﺎﺏ ﺗﺒﺨﻞ ﻋﻠﻴﺎ ….!!
فكانت الرسالة التي ناطحت ( البريد الالكتروني )
وومضات ( الواتس ) وبقيت حية في قلوب الناس
يتبادلونها بشوق ويرسلونها ب( العصب ) ويحملونها في حقائبهم استعدادًا للرحيل
وقد تركوا ورائهم كل شيي …
حتى الحبيب 😥
ﻭﺍﻟﻮﻋﺪ ﺑﻴﻨﺎﺗﻨﺎ
إنك ﻛﻞ ﻳﻮﻡ ﺗﻜﺘﺐ ﺇﻟﻴّﺎ ✍️
أغنيات ( الجابري ) كلها تشبهه وكأنه يبث فيها شجونه
الخاصة وما يعتمل في دواخله النقية لذلك تأتي صدوقة ومعبرة وملهمة …!!
وما أن فرغنا من قراءة رسالة الدسوقي الحية حتى جاءت أخري في بريد القلوب بتوقيع الرقيق ( الصادق الياس ) هذه المره …
تخفف من هول الأولى وتواسي الفؤاد ..فيها بعض عتب وكثير وداد ..😍
وياما قال كلام ما لي دخل بي
التقطها الجابري
وغناها من جوه فأذاب جليدها بحرارة ألأداء ولوعة الشوق وقال في كل كلمة إني جفيت وسالي ..
وإن شاء الله حياتي تفنى أنا لو فكرت في
لالا وألف لالا ده حبك عشت لي ..
🎶
بدل أشواق ومحنه ترسل لي مظنة
كلام يجرح شعوري وما يريح ضميري
ياخ نحن اقتنعنا خلي هو ..
ومن طرف الحبيب جات أغرب رسايل
( الصادق الياس ) دا كتب ( وشايه ) والباقي باقي ) لصلاح بن البادية و ( الاتنين إدفقو )
وكتب ( حب الناس يحبوك )
للمختلف ( اللمين عبد الغفار ) الذي ترك منجله مركوزاً على ضَهرَ البلد تِقياتْ ورحل باسماً
ومرحبْ بالترسْ ناكوسى يدفِقْ صُرة البِلداتْ
(وضهر البلد موجوع يا اللمين ) 🥲
ويبدو أن الصادق يعرف كل الحقيقة …
وحب الناس يحبوك …!!🥰
ياخ دا كتب ( حكاية ملام ) ….!!
ساقوها هو والجابري بي الشارع ( الورا ) ارجعت الجابري ونحن لاعرفنا نواصل لا عرفنا نرجع
وﺍﺧﺖ ﺍﻟﻠﻮﻡ ﻋﻠﻰ ﻧﻔﺴﻰ
ﻭ ﻻ ﺍﺗﺤﺴﺮ ﻋﻠﻰ ﻋﻤﺮﻯ
ﻭﻻ ﺍﻛﻮﺱ حنيني ﺍﻟﺮﺍﺡ
ﻣﻊ ﺍﻟﻐﺎيبين ﻓﻀﻞ ﻳﺠﺮﻯ..
وكانت ( سامحني ) لمحمد زمراوي واحدة من جميلات ( الجابري ) وأزهاره
غناها بمزاج عالي ولحن آسر وشجن غريب
🎶🎶
وسامحنى ما تغلط على وهبتك كل ايامي الهنية
قلبى راضى وراجى مستني التحية
مرة جامل مرة منا تنسي المحنة
مرة واصل عندى قربك احلى جنة
( نحن غايتو سامحنا رغم إننا ما عارفين المشكله
شنو ..لكن الزول دا اقنعنا )
رددتها العصفورة ( إنصاف فتحي ) استلافاً
فحق لها ان تغرد في شجرة ( الجابري )
والاتنين طيور جنة …!!
كل ماتغنى به ( الجابري ) كان يحمل شوقاً ووجد
وهات يا زمن …!!
ويبدو أن الزمن أمعن في القسوة فتحداه بقلب مكشوف ….وصدر عاري
وجيب كل أحزانك تعال جيب المحن
( الجابري فتح البلف )
ولأن الدنيا من حال الى حال عاد ( الجابري ) منتشياً
من حديقة ( المنقذ ) ( عبد الرحمن الريح ) الذي حلق به من جديد
ويزف لنا الخبر السعيد أن الدنيا اعطته (زهرها ) هذه المرة
ومنحته قُبْلَة الحياة والنور …
والزهور بسمت لينا والغصون مالت فرحاً
فحلقنا مع ( ود الريح ) وانتشينا مع
( أحمد الجابري )
( وهو ذاتو ابتسم)
والنسيم يشفينا صبوح …!!
( عبد الرحمن الريح ) يستطيع أن يُرَوِّض العاصفة
ويحولها إلى السكون ويبدو أن الرجل يمتلك مضادات الرياح ….وتباريح الهوى
وإذا لم يكتب ( المرهف ) ( كامل عبد الماجد ) سوى ( سيد الإسم ) لكتب ….!!
لكنه كتب و( وأنجب )
وﻣﺤﺒﻮﺑﻰ ﻭﻛﺘﻴﻦ تبتسم 😌
وﺍﻟﺪﻧﻴﺎ ﻳﺎﻧﺎﺱ ﺗِﻨﻘِﺴﻢ
ﺍﻟﻔﺮﺣﻪ ﺗﻤﻼها ﻭﺗﺰﻏﺮﺩ ﻓﻴﻬﺎ ﻭﺍﻟﺸﻮﻕ
ﻳﺮﺗِﺴﻢ..😍
( غناها الجابري فقهقهت)
وﻣﺮﺍﺕ ﺃﻗﻮﻝ ﺃﺩﻳﻬﻮ ﻛﻠﻤﻪ ﺗﺰﻋﻠﻮ
ﺣﺒﺔ ﻋﺬﺍﺏ ﻭﻛﻼﻡ ﻋﺘﺎﺏ .. ﺃﻧﺎ ﻋﺎﺭﻓﻮ
ﻣﺎﺑِﺘﺤﻤﻠﻮ
ﻋﻠﺸﺎﻥ ﺃﺷﻮﻑ ﺧﺪﻭ ﺍﻟﺤﺮﻳﺮ ﺍﻟﺪﻣﻌﻪ ﺟﺎﺭﻳﻪ
ﺗِﺒﻠﻠﻮ
والفرحة ﺗﻤﻼﻫﺎ ﻭﺗﺰﻏﺮﺩ ﻓﻴﻬﺎ ﻭﺍﻟﺸﻮﻕ
ﻳﺮﺗﺴﻢ
( دا لمًا الهداف ينفرد بحارس المرمي ويقول ليهو
دايرا وين ..؟؟؟
غني الجابري وانصت السودانيون وكانت أغنيات
من ( حرير ) تظل إلى يومنا هذا نابضة بالحياة والألم
والأمل …
عاش الجابري في ( توب أمو ) أكثر من جلباب أبيه
فمنحته رضاها واديناهو رضانا
غنى لنفسه وتدفق …وواسانا فتألق..!!
بصوت سوداني حنين وألحان خالدة …فكان الجابري نسخة واحدة وصفحة ناصعة في مسيرة الأغنية السودانية
غاب وترك أغنياته يرددها الآخرون ويبقى الأصل
قائماً …
والبلوم في فرعو غنى 🎶 طرانا يا الحبان أهلنا..😍🥰
ويييين
الجابري صوت الحنين وفنان الشجن والشوق
وقد توارى همساً وترك البوح …
ومافي حتى رسالة واحده بيها اصبر شوية …!!😇
