على صمتك كتبت غناي ولونت الزمن تغريد
وكل ما مرت الايام أفيض انغام وشوقي يزيد
رسمت علي جبين الليل ملامحك بالحروف والنور
وختيتك مكان القاكي في وادي الغنا الممطور
وما صدقت ..لامن شفت كل الدنيا حولي تدور
وتتراقص اماني اللقيا زي فرحة صباح العيد
لو كان الزمن صافانا كنت عشان رضاك بختار
مكانا مابتطولو الريح ولا دربا مشو السمآر
هناك بين الخيال والليل وفيض احساسنا والأشعار
ونتقاسم حكاوي الشوق وتاني وتاني..نبدأ نعيد
تباعديني واقرب ليك تقربي مني وابقى بعيد
وانا الفي سكتك مشوار مشيتو مع الاماني وحيد
ورغم الوجعة والآهات ح تفضلي في غنايا نشيد
وعارف يا شقيقة الروح سعادة الدنيا ما بالايد..
