*الحاج اخوي.. وليد كردي*

.
يا الحاج ود محمد ياخي
مالك قاطع اي الخبر
ان شاء الله عُقبك عافي
وعمرك لسه باقي أزهر
الحرف الجميل الدافي
وين حِنيتو شوقو دفر
ما ظنيتك اصلا جافي
يا ضي انعكاسو قمر
..
سـلام للحرفو دايماً صافي
زي نبعاً مروّي حِكر
معقول تنسى وانت الوافي
ريداً في وفاك سهر
الفي الروح جراحو تعافي
خلا الدار تعاني قفر
سؤالي انا تاني علك عافي
وكيف شوقك تلوكو صبر
..
سألتُ شريف وقتلو هو كيف
دا الزول الغيابو كتر
قالي من زَمان ما شفتو
لكن في أمان وعمر
حليل زمن الزمن بي خير
وكت كانت حروفو شعر
تعال بل الشقوق بي بيت
واسكب في القوافي عطر