ساكته والشوق في عيونك
خايفة لا الحبان تلومك
ماشي في درب الأمل
طربان غناي وتميل غصونك
عاينت لي ود عين هواك
دسيتي شوقي ورا جفونك
سر العذاب مكتوب عليّ
طعم البعاد حاسيهو دونك
اشجاني شوقك والشجون
واشوقي بين ساحات شجونك
مكتول هواك يا رايعة كيف
خاين عهودي وما بيخونك
صابر على وعد اللقا
ابقيلي عون وانا ابقى عونك
ماني راضي سجون هواك
ماَسوره بين سجني وسجونك
البعاد مفروض علي
وماني راضي اكون بدونك
ولو ديارك ما اصطفتني
لابتكوني ولا بتكونك
.
كردي 26 يناير 2024
