* درب الوصال.. جديد الشاعر الشاب وليد كردي*

.
دابك بديت درب العشق
مالك رجعت بلا حبيب
مالك قنعتَ من الوصال
وكيفن فقد حظك نصيب
سافر مع ليل الجفا
وخليهو للأحزان ربيب
​ما تبكي ما تشكي الجراح
ما الفُرفه قِسمة وما بتخيب
الكان بيحلف بالوفا
الليلة صار زي الغريب
ما ت​عاتبو ما تزيد الملام
ما الريد وراك أصبح مريب
لو كنت بانيلو القصور
من لهفة الشوق اللهيب
​يا حليل زمن كان الأمل
في عيونك السمحين قريب
تنسى المرض لو جاك يوم
ما أنت ياك الكُت الطبيب
​لكن خلاص.. مات الكلام
نصت نهار شمسك تغيب
تمشي وغشغش دمعتك
ترضى المقادير والنصيب