كنت حاسيك فيني قافيه
بكتبك بي كل صعوبه
في وطن محنان يحنن
يشكي للدار طوبه طوبه
كنت مستني امشي ازورك
في شروق بلدي وغروبه
ماهو فارق لو خريفك
غيرت نسبو الرطوبه
وما بيحل لو حلا صيفك
مره في عز شهر طوبه
افتراض بُعدك قبلتو
وفرقتك بي كل عيوبه
بنتفض ولو ضلا سعي
والظروف مقلوبه هوبه
وفي كركي وكر واناتق
ومنو مارق بي صعوبه
ماني فارز كيف قدرته
امرق الوكره وخبوبه
زي مودر جاتو كبته
فارق الدنيا ودوربه
لا امان في أرضو يلقا
ولا خراب من بعد سوبه
حامد الله البابو فاتح
جاتو رجعة وتبقى توبه
وليد كردي
٣/ ٩/ ٢٠٢٤م
