في جفن الغمام الباكي
أشُر ليلنا البقالي طويل
ومن الريد اشيل ذكراكي
كان الغيم بقالنا سبيل
اطراك يبقى كيف أنساكي
في التيه البدايتو عويل
وفي قلب الهجير القاكي
ضلك يبقى لينا مقيل
يكتمل السمح في رجاكي
فرحي معاكي زاد بالحيل
يا نغمة حروف تطراكي
همس الصمت بيكي نبيل
من روحي الأماني معاكي
في شطك اشوف النيل
كما طير الروابي القاكي
نسمع بين سنابلو هديل
في جرف الغرام أهواكي
أشرب من دموعي عليل
ولو يوم جار علينا فداكي
السند ابقى ليكي عديل
الكون ينبهر بشذاكي
حتى قمرنا يبدأ رحيل
تعال نتلاقى اصلي بلاكي
تامي حياتي بالتهليل
