ليه يا منام عيني
ليه يا ملاذ الروح
لو كان عليك وعلي
كت بيك بداوي جروح
لو كان عرفت البي
بي ريدنا نبني صروح
ليه يا منام عيني
كيف بي هواي أبوح
لو جُدته شفته البي
شايل القلب والروح
….
لو في دروب الريد
صوت الحزن مبحوح
طبع الزمن قساي
جرح القلب مجروح
لا قادر ابقى معاك
لا ريدنا باني صروح
طيفك خيالو خيال
شارد وشاغل البال
قول ليهو عود يا طيف
رجعلى طعم الفال
لو الزمن غدار
يبقى الحلم ودار
اصلو العمر مقدار
طعم القصيد صلصال
سعر المبيع مطروح
….
في بُعدك، الأيام
ما بتلقى ليها براح
لا في الحزن تحزن
لا في الفرح افراح
ليه يا حبيب الروح
زايد طموحي طموح
خليتني بين حجرين
لا قادر ابقى معاك
ولا ليك قادر اروح
.
وليد كردي
٢٣/ ٨ /٢٠٢٥م
